Ижаралык турак жай

Программанын негизги максаттарынын бири өлкө боюнча турак жайларды куруу болуп саналат. Ушунун негизинде, учурда турак жай фондун көбөйтүү жана анын калк үчүн жеткиликтүүлүгүн жогорулатуу максатында Программанын алкагында “МИК” ААК арзан турак жайларды курууга финансылык каражаттарды бөлүүдө. Бишкек шаарында курулуш иштери башталды, курулуштун кийинки этабы өлкөнүн аймактарында улантылат.

Аяктагандан кийин курулган турак жай өнөктөш-банктардын катышуусуз түздөн түз “МИК” ААКнан сатып алуу мүмкүнчүлүгү менен узак мөөнөттүү ижарага берилет.

Үлүштүк турак жай курулуш

Катышуучулардын тандоо талаптары, анын ичинде өлкөнүн чектеринен сырткары жерлерде иштеген жарандар

1. Программага катышуу үчүн арыз берген учурда 21 жаштан, ал эми ипотекалык кредиттин төлөмдөрүнүн акыркы суммасын төлөө учурунда пландалган төлөм графиктерине ылайык 70 жашка чейинки курак талабы;

2. Катышуучуда, катышуучунун күйөсүндө (аялында) жана катышуучунун жашы жете элек балдарында Кыргыз Республикасынын аймагында өздүк турак жайынын жоктугу;

3. Программага катышууга арыз берген күнгө чейин жана турак жайды каржылоону алган учурга чейин акыркы 3 (үч) жыл ичинде Кыргыз Республикасынын бүткүл аймагында турак жайга менчик укугуна өтүүгө байланыштуу кандайдыр бир жарандык-укуктук бүтүмдөрдүн катышуучуда, катышуучунун жубайында жана катышуучунун жашы жете элек балдарында жоктугу.

4. Программага катышуу үчүн электрондук арыз МИКтин электрондук порталы аркылуу берилет.