Программага катышуучу болуу үчүн өтүнмөнү кантип тапшырабыз?
КАТТОО БОЮНЧА НУСКАМА
"Менин үйүм 2021-2026" Программасына катышуу үчүн, арыздар ОНЛАЙН түрүндө кабыл алынат.
1. https://portal.gik.kg шилтемеси боюнча өтүңүз;
2. Ачылган баракчада "Каттоо" баскычын басыңыз;
3. Бардык керектүү блокторду толтуруңуз (4 блок), андан кийин - "Сактоо" баскычты басыңыз;
Катталгандан кийин порталда Сизге жеке кабинет ачылат жана сиз жазган номерге убактылуу сырсөз менен SMS жөнөтүлөт;
4. ИННиңизди жана убактылуу сырсөзүңүздү колдонуп Жеке кабинетиңизге кириңиз, андан кийин өз сырсөзүңүздү орнотуу керек;
5. Андан ары, кызматтар үчүн төлөш керек, жеке эсеп жана суммасы "Кызматтарга төлөө" бөлүмүндө көрсөтүлгөн, Төлөмдү Элсом, Мегапей, Balance.kg, РСК 24, Элкарт Мобайл, О!Деньги, Оптима 24 мобилдик тиркемелери аркылуу жүргүзсө болот;
6. Төлөмдү жүргүзгөндөн кийин жеке маалыматтарды иштеп чыгууга макулдук берүү жолу менен Сиздин катталган жеке кабинетиңизди тастыктоо зарыл.
Жеке маалыматтарды иштеп чыгуу үчүн макулдук онлайн Balance.kg мобилдик тиркеме аркылуу берилет, ал үчүн:
- Balance.kg тиркемесин Play market же App store - дон жүктөңүз;
- Balance.kg тиркемесинде онлайн-идентификация процедурасынан өтүңүз;
- Идентификациядан кийин, Balance.kg тиркемесинде “Гос” менюсунда “МИКте катталуу” баскычты басыңыз, жолшдошуңуз “МИК: Жолдошунун макулдугу” баскычын басат. Эгер Сиз үй-бүлөлүү болсоңуз, жубайыңыз тиркемени өзүнчө жүктөп, онлайн-идентификациядан өтүп, "Гос" менюсунан "Жубайынын маалымат издөөгө макулдугу" баскычын басышы керек. (Жеке кабинетте "Жеке маалыматтарды издөөгө макулдугу" бөлүмүндө макулдук алынды деген белги көрсөтүлөт);
7. Профилди ырастагандан кийин, "Менин өтүнмөлөрүм" бөлүмүндө "Өтүнмө кошуу" баскычын басып, кошумча маалыматтарды киргизип, текшерүү үчүн өтүнмөнү "МИК" ААКна жөнөтүү керек. Өтүнмөнүн статусу "Текшерүүгө жөнөтүлдү" болушу керек
Салыктарды жана КР Социалдык фондуна төлөмдөрдү төлөөдөн бошотулган мамлекеттик органдардын жана ведомстволордун кызматкерлери жеке кабинетининдеги "Менин документтерим" бөлүмүндөгү иш стажын аныктоо үчүн, акыркы 12 ай үчүн эмгек акысынын маалымкатын жана башка эмгек ишмердүүлүгүнүн бар экендигин тастыктаган документтерди тиркейт.
Маалымат үчүн:
Мамлекеттик турак жай программаларын тандоо критерийлерине ылайыктуулугун текшерүгө мамлекеттик органдардан электрондук маалыматтарды сурап алуу үчүн жеке маалыматтар менен иш жүргүзүүгө макулдук керек.
Сиз мамлекеттик органдардан төмөнкү маалыматарды суроо үчүн төлөйсүз:
- үй-бүлөлүк абалы;
- иш стажы;
- турак жайдын жок же бар экендиги.
Бир адам үчүн маалымат суроо кызматынын баасы 179 сом, анын ичинен:
- 20 сом – туруктуу SMS билдирүү;
- 2 сом - паспорттун маалыматтары жана үй-бүлөлүк абалы;
- 157 сом - турак жайдын бар же жок экендиги жөнүндө маалымат.
Мурда жогорудагы маалыматты ырастоо үчүн бир нече документтердин топтомун чогултуу керек болчу, эми Сиз баарын бир баскычты басып ырастап жатасыз. Мындан ары баасы бир адамга 150 сомдон 200 сомго чейин болгон, дагы бир маалымкат алуу үчүн кезекке туруунун кажети жок.
