ЖАНЫЛЫКТАР

Парламент Сауд өнүктүрүү фонду менен $100млн. насыя келишимин жактырды.

Жарыяланган датасы: Июнь 29, 2023

Бүгүн, Жогорку Кеңеш Кыргызстан менен Сауд өнүктүрүү фондунун ортосундагы 2023-жылдын 24-апрелинде кол коюлган “Кыргыз Республикасында турак жай курулушун каржылоо” долбоору боюнча кредиттик макулдашууну үчүнчү окууда жактырды.

Сауд өнүктүрүү фонду насыялык макулдашууга ылайык, турак-жай куруу долбоорлорун каржылоо максатында Мамлекеттик ипотекалык компанияга 100 миллион доллар өлчөмүндө насыя берет.

 Үйлөр «Менин үйүм 2021-2026» турак жай турак жай программасынын катышуучулары үчүн курулат жана «кийин сатып алуу менен ижарага берүү» механизми боюнча төмөнкү багыттар боюнча берилет:

• Социалдык ипотека;

• Жеңилдетилген ипотека;

• Жеткиликтүү ипотека.

«Менин үйүм 2021-2026» турак жай программасынын катышуучусу ипотекага батир алгандан кийин, ижара акысын төлөө жана үйдү сатып алуу үчүн ай сайын төлөмдөр жүргүзүлөт. Карыз алуучулардан алынган каражаттар МИК тарабынан Сауд Аравиянын өнүктүрүү фондуна насыяны төлөөгө жумшалат.

Жалпысынан долбоордун алкагында 174,5 миң чарчы метр арзан турак жайдын курулушу каржыланат. Божомолдорго ылайык, 3 миңден ашык чакан жана орточо кирешелүү үй-бүлө турак-жай менен камсыз болот.

Сауд өнүктүрүү фонду (SFD) өнүгүп келе жаткан өлкөлөрдөгү өнүктүрүү долбоорлорун каржылоо үчүн жеңилдетилген кредиттер түрүндө колдоо көрсөтүү үчүн мамлекеттик орган катары түзүлгөн. Капитал фонду, 2021-жылдын жылдык отчетуна ылайык, 31 миллиард сауд риалын (8,3 миллиард доллар) түзөт, анын алгачкы инвестициясы 10 миллиард сауд риалы (2,7 миллиард доллар).