ИБК жөнүндө тегерек стол

24 Сентября 2018

2019-жылдын 19-сентябрында “Мамлекеттик Ипотекалык Компания” ААКу (“МИК” ААК) “Сенти” каржылык компания ЖЧК (Сенти) менен биргеликте КР Экономика министрлигинин аянтында “Ипотекалык баалуу кагаздар” жөнүндө тегерек стол өткөрдү.

Тегерек столго коммерциялык банктар, каржы-насыялык уюмдар жана мамлекеттик органдар жана ведомстволор чакырылды. Тегерек столду КР Экономика министринин орун басары  Алыбаев  Автандил Шейшенбекович ачты. Өзүнүн сөзүндө ушул иш-чара финансылык институттарды жана банктык секторду КР Өкмөтүнүн “Арзан турак жай 2015-2020” Программасын ишке ашыруу алкагында “МИК” ААКун инвестициялоонун каржылык инструментин ишке киргизүүсү менен таныштыруу үчүн уюштурулгандыгы тууралуу белгиледи. “Бүгүн биз бул жерде ипотекалык баалуу кагаздар (ИБК) - инвестициялоонун каржылык инструменти менен тааныштыруу үчүн чогулдук. ИБК – эл аралык каржылык рыноктордо кеңири колдонулган ипотекалык жабым менен камсыздалган облигациялар. 2018-жылдын июль айында “МИК” ААКу эгемендүү Кыргызстандын тарыхында биринчи жолу ИБКды айкын чыгарды. Дүйнөлүк тажрыйбада ИБКга салымдар ишенимдүү инвестициялардын бири болгондуктан, жаңы каржылык инструмент ички жана сырткы инвесторлордун арасында сурамга ээ болоруна үмүттөнүүдөбүз. ИБКга инвестициялоо ипотекалык насыялоо секторуна капитал рыногунан бош акча каражаттарын тартуу мүмкүнчүлүгүн натыйжасында КР Өкмөтүнүн “Арзан турак жай 2015-2020” Программасын каржылоого кошумча бюджеттик эмес каржылоо булактары пайда болот. Ал эми КР Экономика министрлиги өз тарабынан мамлекеттик органдар жана финансылык институттар менен биргеликте ИБКын айланымы жүргөн республикадагы баалуу кагаздардын рыногун өнүктүрүүгө колдоо көрсөтүүдө”, - деп белгиледи Алыбаев А.Ш.

Ипотекалык баалуу кагаздардын биринчи чыгарылышы жылдык 8,3% купондук чени, 2 жылдык мөөнөтү менен 200 млн. сом көлөмүндө чыгарылды, ал эми ушул жылдын сентябрь айында ИБКды сатуу боюнча биринчи келишим түзүлдү. ИБКын биринчи сатып алуучусу “Кыргызстан” камсыздандыруу компания ЖАК болду. Ошондой эле тегерек столдун өткөрүүсүндө “Мамлекеттик Камсыздандыруу Уюм” ААКу ИБКды сатып алууга кызыкчылыгын билдирди. Ипотекалык баалуу кагаздар өлкөнүн коммерциялык банктары үчүн жагымдуу инвестициялоонун каржы инструменти болуу мүмүкүндүгүн белгилейбиз.